[31] นจิตฺตสมฺปยุตฺตํ นกุสลํ ธมฺมํ ปจฺจยา จิตฺตสมฺปยุตฺโต กุสโล ธมฺโม อุปฺปชฺชติ เหตุปจฺจยาฯ เหตุยา เอกํฯ

[32] นจิตฺตสํสฏฺฐํ นกุสลํ ธมฺมํ ปจฺจยา จิตฺตสํสฏฺโฐ กุสโล ธมฺโม อุปฺปชฺชติ เหตุปจฺจยาฯ เหตุยา เอกํฯ

[33] นจิตฺตสมุฏฺฐานํ นกุสลํ ธมฺมํ ปจฺจยา จิตฺตสมุฏฺฐาโน กุสโล ธมฺโม อุปฺปชฺชติ เหตุปจฺจยา… เหตุยา ตีณิฯ

[34] นจิตฺตสหภุํ นกุสลํ ธมฺมํ ปจฺจยา จิตฺตสหภู กุสโล ธมฺโม อุปฺปชฺชติ เหตุปจฺจยา… เหตุยา ตีณิฯ

[35] นจิตฺตานุปริวตฺติํ นกุสลํ ธมฺมํ ปจฺจยา จิตฺตานุปริวตฺตี กุสโล ธมฺโม อุปฺปชฺชติ เหตุปจฺจยา… เหตุยา ตีณิฯ

[36] นจิตฺตสํสฏฺฐสมุฏฺฐานํ นกุสลํ ธมฺมํ ปจฺจยา จิตฺตสํสฏฺฐสมุฏฺฐาโน กุสโล ธมฺโม อุปฺปชฺชติ เหตุปจฺจยา… เหตุยา ตีณิฯ

[37] นจิตฺตสํสฏฺฐสมุฏฺฐานสหภุํ นกุสลํ ธมฺมํ ปจฺจยา จิตฺตสํสฏฺฐสมุฏฺฐานสหภู กุสโล ธมฺโม อุปฺปชฺชติ เหตุปจฺจยา… เหตุยา ตีณิฯ

[38] นจิตฺตสํสฏฺฐสมุฏฺฐานานุปริวตฺติํ นกุสลํ ธมฺมํ ปจฺจยา จิตฺตสํสฏฺฐสมุฏฺฐานานุปริวตฺตี กุสโล ธมฺโม อุปฺปชฺชติ เหตุปจฺจยา… เหตุยา ตีณิฯ

[39] นอชฺฌตฺติกํ นกุสลํ ธมฺมํ ปจฺจยา อชฺฌตฺติโก กุสโล ธมฺโม อุปฺปชฺชติ เหตุปจฺจยา… เหตุยา ตีณิฯ

[40] นโนอุปาทา นกุสลํ ธมฺมํ ปจฺจยา โนอุปาทา กุสโล ธมฺโม อุปฺปชฺชติ เหตุปจฺจยาฯ เหตุยา เอกํฯ

[41] นอนุปาทินฺนํ นกุสลํ ธมฺมํ ปจฺจยา อนุปาทินฺโน กุสโล ธมฺโม อุปฺปชฺชติ เหตุปจฺจยาฯ เหตุยา เอกํฯ

69-74-1. อุปาทานทุกาทิ-กุสลตฺติกํ

[42] นอุปาทานํ นอกุสลํ ธมฺมํ ปจฺจยา อุปาทาโน อกุสโล ธมฺโม อุปฺปชฺชติ เหตุปจฺจยา… เหตุยา ตีณิฯ

75-82-1. กิเลสทุกาทิ-กุสลตฺติกํ

[43] นกิเลสํ นอกุสลํ ธมฺมํ ปจฺจยา กิเลโส อกุสโล ธมฺโม อุปฺปชฺชติ เหตุปจฺจยา… เหตุยา ตีณิฯ

83-100-1. ปิฏฺฐิทุกานิ-กุสลตฺติกํ

[44] นทสฺสเนน ปหาตพฺพํ นกุสลํ ธมฺมํ ปจฺจยา นทสฺสเนน ปหาตพฺโพ กุสโล ธมฺโม อุปฺปชฺชติ เหตุปจฺจยาฯ เหตุยา เอกํฯ

นทสฺสเนน ปหาตพฺพํ นอกุสลํ ธมฺมํ ปจฺจยา ทสฺสเนน ปหาตพฺโพ อกุสโล ธมฺโม อุปฺปชฺชติ เหตุปจฺจยาฯ นทสฺสเนน ปหาตพฺพํ นอกุสลํ ธมฺมํ ปจฺจยา นทสฺสเนน ปหาตพฺโพ อกุสโล ธมฺโม อุปฺปชฺชติ เหตุปจฺจยาฯ เหตุยา ทฺเวฯ

นทสฺสเนน ปหาตพฺพํ นอพฺยากตํ ธมฺมํ ปฏิจฺจ นทสฺสเนน ปหาตพฺโพ อพฺยากโต ธมฺโม อุปฺปชฺชติ เหตุปจฺจยาฯ นนทสฺสเนน ปหาตพฺพํ นอพฺยากตํ ธมฺมํ ปฏิจฺจ นทสฺสเนน ปหาตพฺโพ อพฺยากโต ธมฺโม อุปฺปชฺชติ เหตุปจฺจยาฯ เหตุยา ทฺเวฯ

[45] นภาวนาย ปหาตพฺพํ นกุสลํ ธมฺมํ ปจฺจยา นภาวนาย ปหาตพฺโพ กุสโล ธมฺโม อุปฺปชฺชติ เหตุปจฺจยาฯ เหตุยา เอกํฯ

[46] นทสฺสเนน ปหาตพฺพเหตุกํ นกุสลํ ธมฺมํ ปจฺจยา นทสฺสเนน ปหาตพฺพเหตุโก กุสโล ธมฺโม อุปฺปชฺชติ เหตุปจฺจยาฯ เหตุยา เอกํฯ

[47] นภาวนาย ปหาตพฺพเหตุกํ นกุสลํ ธมฺมํ ปจฺจยา นภาวนาย ปหาตพฺพเหตุโก กุสโล ธมฺโม อุปฺปชฺชติ เหตุปจฺจยาฯ เหตุยา เอกํฯ

[48] นสวิตกฺกํ นกุสลํ ธมฺมํ ปจฺจยา สวิตกฺโก กุสโล ธมฺโม อุปฺปชฺชติ เหตุปจฺจยา… เหตุยา ตีณิฯ